بكره الثلاثاء ؟!!

بسم الله الرحمن الرحيم
..


بكره الثلاثاء ؟!!

أيوه بكره الثلاثاء !

ياترى ايه اللي هيحصل بكره ؟!!

عادي يعني .. مفيش جديد !

زي كل أسبوع .. هنروح نحضر محاضرات ..

ونتهد في السكاشن .. ونروح البيت .. !

لا لا لا .. أنا متأكدة ان فيه حاجة مميزة هتحصل بكره .. !

تفتكري هي ايه ؟!!

امممممممم .. مصر هتاخد كاس العالم .. ؟!!

لا لا .. كاس عالم ايه الوقتي !!

يكونش مبارك هيسيب الحكم ؟!!

لا طبعا .. دا لو أبو الهول نطق .. مش هيسيبه برده .. !

يبقى مصر هتفتح المعابر للفلسطينين ...

يا شيخة ده اليهود يطلعوا من فلسطين أسهل .. !

أومال فيه ايه بكره ؟!!

حيرتيني معاكي !

هقولك .. بكــره باذن الله ..

الثلاثاء .. 20 / 10 / 2009

أســرة الأصــدقاء عاملة حفلة .. !

حفلة ؟!!!



أيوه .. حفلة ترحيب ببنات اعدادي

يعني بنات اعدادي بس اللي هيحضروا ؟!!

لا طبعا .. الدعوة عااااامة لكل البنات في الكلية .. من كل الفرق

طيب .. وهيعملوا ايه في الحفلة دي ؟!!

هننشد سوا .. ونتكلم مع بعض .. و ممكن نلعب كمان ..
والمفاجأة بأه .. هريـدي هيحضر الحفلة !!

هريــــــــــدي !!!!!!!



انتي مش بتقولي حفلة بنات ؟!!

آه طبعا .. حفلة بنات ..

بس هريدي ده نجم الحفلة بتاعتنا ..

تعالي بس وانتي تشوفيه .. !

انتي شوقتيني .. الحفلة هتبقى فين ؟!!

في المسجد باذن الله .. اللي في الدور الخامس

الساعة 10.30

هنستنــاكي .. !

نحبكم في الله

و ..

نلتقي .. لنرتقي .. !

لا تنسوا اخوانكم في بلاد المسلمين

وخاصة غـزة من دعائكم

أخواتكم .. أصـدقــاء للجنـة

اعدادي صيـدلة .. نورتـوا الجامعة ,,

بسم الله الرحمن الرحيم
..

خلااااااص خلصنا من الثانوية العامة

بغض النظر عن ان كنا احنا اللي خلصناها

ولا هي اللي خلصت علينا : )

بس خلاص .. أهم حاجة .. اننا الوقتي ::

في أولى جامعة

وبالتحديد .. في اعدادي صيـدلة

















.:.:.:.:.:.:.

داخلة الجامعـة .. تايهة

مش عارفة أدخل منين .. ولا أروح فين !

فيه ناس كتيــــر أوي .. ومش لاقية حد أعرفه

اطمني .. احنا معاكي !

انتـو مين ؟!!

احنا اخواتك في أسرة الأصدقـاء

يعني ايه أسرة أصلا ؟!!

الجامعة مش دراسة وبس .. فيه أنشطة تانية كتير ممكن نعملها فيها

وعشان كده .. الطلبة بيكونوا أسـر

كل أسرة ماهي إلا مجموعة من الطلاب .. ليهم فكر واحد

وبيحبوا يشتغلوا مع بعض

واحنا .. مجموعة بنات .. بناااات بس

بنحب بعض في الله أوي

وبنحاول نعين بعض .. وناخد بايد بعض .. عشان نوصل لهدفنا الكبير أوي

وهي ارضاء ربنا ودخول الجنة

وعشان كده .. احنا ::

أصدقـاء للجنة

طيب وانتو قلتو انكو هتبقوا معايا ؟!!

أيوه .. احنا معاكي .. هتلاقينا يوم الكشف الطبي جمبك

ومن أول يوم في الدراسة باذن الله .. هتلاقينا معاكي

انتو بتعملوا ايه غير كده ؟!!

بنعمل رحلات .. ندوات .. وحفلات

والكبير مننا بيساعد الأصغر منه في الدراسة

والأحسن من دا كله

اننا بنعين بعض على طاعة ربنا ..

بناخد بايد بعض .. عشان نتقابل في مكان أحلى من الدنيا كلها

في الفردوس الأعلى

و ...

لما نقابلك باذن الله .. هتعرفينا أكتر

نحبكِ في الله .. من قبل أن نراكِ

وعلى حب الله .. نلتقي ..

لا تنسوا اخوانكم في بلاد المسلمين

وخاصة غـزة من دعائكم

أخواتكم ..

أصـدقــاء للجنـة